Federaziotik azaldu dute hamasei herritako pilotariak lehiatuko direla eskuz, hemezertzi gomazko paletaz, zazpi larruzko paletaz eta pala motzez, eta lau zesta-puntaz.
Eskuz arituko direnen artean daude bikote debagoiendarrak. Hain justu, maiatzaren 16an eta 23an ekingo diete final zortzirenak jokatzeari kadete, junior eta senior mailetan. Aretxabaletak Hernani hartuko du etxean joaneko neurketan, Oñatiko bikoteak Azpeitiakoen aurka arituko dira, eta Bergarak, azkenik, Astigarragako pilotariak hartuko ditu. Itzuliko neurketak ere jokatuko dituzte.
Irabazleak hurrengo fasera pasako dira; final laurdenetara, alegia. Maiatzaren 30etik aurrera jokatuko dira horiek, eta finala, bestetik, ekainaren 26an egingo dute.
Herriarteko Txapelketa 2009an irabazi zuen azkenengoz talde debagoiendar batek. Bergarak eskuratu zuen txapelketa, eta hernaniarrak izan ziren azpitxapeldun urte hartan.