Agorrosingo lehia banako berdinketarekin bukatu da (1-1). Aretxabaletak jokoan izango du Hirugarren Mailarako igoera jokatu ahal izateko txartela, azken jardunaldian, baina, beste emaitza baten zain egon beharko du. Hain justu ere, Mutriku-Bergara partiduko emaitza. "Irabazteko asmoz joango gara Mutrikura", esan du Bergarako entrenatzaile Jose Javier Barkerok.
Bergarak eta UDAk jokatu duten partidua txarra izan da. Belarra astuna eta gogorra zegoen, eta bi taldeak galtzeko beldurrarekin irten dira berdegunera.
Bergara aurreratu da markagailuan, Ander Garmendiak sartutako golari esker. Baina, atsedenaren aurretik, berdindu du Aretxabaletak, Josu Aizpuruaren penalti jaurtiketa batekin.
Bigarren zatian egoera ez da aldatu. Aukera garbirik sortu barik, markagailua ez da aldatu. Gainera, bi taldeek hamar jokalariekin bukatu dute derbia.
2021 api 18 Aretxabaleta Bergara
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.