Hona hemen Aretxabaletako Udalaren oharra:
"Aretxabaletako Udalak apirilaren 15ean, Miarritzen, 75 urteko emakumearen erailketa matxista gaitzesten du eta haren senide eta hurbilenekoei babesa eta hurbiltasuna adierazi nahi die. Indarkeria matxistak Euskal Herrian 2003tik 110 emakume eta 11 adingabe hil ditu. Aurten, indarkeria matxistak hiru emakume eraili ditu Euskal Herrian. Ez da ekintza bakan bat. Horregatik guztiagatik, Udalak adierazten du bihar, apirilak 17, 18:30tan herriko plazan egingo den elkarretaratzean parte hartuko duela.
Osasun egoerari dagokionez, Aretxabaleta gune gorrian aurkitzen da. Ondorioz, ekimenean une oro musukoa erabili beharko da eta pertsonen artean 1.5 metroko distantzia mantendu beharko da.
Erasorik ez, erantzunik gabe!"
Bergarako Martxanterek ere elkarretaratzea deitu dute gaurko
Arrazoi berberagatik Eraso sexistarik ez! Autodefentsa feminista! lelopean batuko dira gaur Bergaran 20:00etan hasita, plazan. Martxanterek deialdia egin diete herritarrei, elkarretaratzean esku hartzeko.