Guztira 808,2 milioi euro bildu dira martxora arte Gipuzkoan, baina 2020ko martxora arte jasotakoa baino 32,3 milioi euro gutxiago dira. Sarreren arloan "beherakada nabarmena" izan dela azaldu du Aldundiak (%6koa) eta itzulketak ere jaitsi egin direla (%19,5).
Pertsona Fisikoen gaineko Errentaren Zergari dagokionez, orokorrean, 5,2 milioi euro gutxiago batu dira (-%1,1) baina salbuespena da lan atxikipenen atala, izan ere, 7,9 milioi gehiago jaso ditu Ogasunak (+%1,9).
Sozietateen gaineko Zergari dagokionez, sarrera gordinak 0,8 milioi euro jaitsi dira eta itzulketak 1,1 milioi. Eta, bukatzeko, Aldundiak kudeatzen duen BEZaren zerga bilketa ere jaitsi da: 36,4 milioitan jaitsi dira sarrerak (-%9,9) eta itzulketek 23,8 milioi egin dute behera (-%19,4).