Urteroko Pazko asteko domeka legez, Aberri Eguna ospatu da gaur Euskal Herrian. Segurtasun neurriak bermatzeko, manifestazioak egin beharrean bilkurak egin dira herrietako plaza nagusietan. Hala, eguerdiko 12:30ean euskal komunitateaz identifikatzen diren kantuak abestu dituzte herritarrek plazetan.
Sortuk "komunitate kohesionatu eta sendoaren beharra" azpimarratu du "independentzia aldarrikatzeko egun honetan". "Gure herriaren askatasunaren alde, demokraziaren alde eta herritar guztion bizitza duinen alde borrokan segituko dugula" gehitu du.
EAJk, bestalde, Bilboko Euskaldunan egin du agerraldi ofiziala. Landu behar diren esparruak "osasuna, ekonomia eta enplegua" direla defendatu du, jokoan "herri honen etorkizuna" dagoela gogoratuz. Autogobernua "finkatzea eta sendotzea" gaur inoiz baino garrantzitsuagoa dela adierazi du Andoni Ortuzarrek.