Gabiriako Andra Mari elizan egin zen leihaketa, eta bertan, Aztiri, Osinberde eta Argi-Berri sariketetan sailkatutako sei bertsolarik hartu zuten parte; hona hemen: Aroa Arrizubieta gasteiztarra, Urko Arregi oñatiarra, Ane Zuazubiskar arrasatearra, Ibai Amillategi gernikarra, Unai Izagirre azkoitiarra eta Gorka Pagonabarraga durangarra (Xabat Illarregiren ordez).
Ordezko moduan iritsi zen Gorka Pagonabarragak irabazi zuen sariketa. Entzuleen saria Ane Zuazubiskarrek lortu zuen, eta bertsorik onena, Urko Arregik zortziko txikian egindakoa izan zen.
