Oñatiko udaltzaingotik adierazi dute dauden aparkalekuak baino askoz ere auto gehiago heldu direla gaur Oñatiko hainbat eremura. "Leku danak autoz gainezka egon dira eta pilaketak egon dira bereziki Arantzazun, Araotzen, Urtiagainen, Gomiztegiko sarreran, harrobian...".
Hainbat faktorek izan dute eragina, tartean eguraldi onak, Erramu Domeka izateak eta kasu askotan jendea jai egunak hartuta egoteak. Oñatiko bazterrak ez ezik Aretxabaletan ere jende eta autokarabana ugari dago Urkulun.
Arantzazurako bidea itxita egon da
Auto pilaketak ikusirik Ertzaintzak erabaki du Arantzazurako bidea ixtea. Azkoagainen itxi dute eta zirkulazioa etenda egon da hainbat orduz. Une honetan, atzera ere, zabalik da.
