Kopako finalera begira, ikurrinen salmenta abian

Imanol Beloki Unamuno 2021ko mar. 23a, 11:39
1976ko Errege Kopan, Iribar eta Kortabarria ikurrinarekin.

Gu Ere Bai, euskal selekzioak nazioarteko lehiaketetan ofizialki parte hartzearen aldeko plataformak deialdia egin du, apirilaren 3an, Kopako final egunean, etxeetako balkoietan ikurrinak jartzeko. Realak eta Athleticek gizonen futboleko Kopako finala jokatuko dute, Sevillako La Cartuja futbol zelaian, eta horren baitan, Debagoieneko hainbat txokotan eskuratu ahal izango da ikurrina bost euroren truke.

Debagoieneko herri guztietan jarri nahi dituzte ikurrinak salgai Gu Ere Bai plataformako kideek. Oraindik baina, salgai non egongo diren zehaztu barik, soilik, Arrasateko salmenta tokien berri eman dute.

Arrasaten leku hauetan egongo dira salgai ikurrinak: Taupa, Monte, Txintxinpe eta Iluna tabernetan, eta Goxo-Goxuan.

Oñatin, Aker tabernan.

Aramaion, Añai tabernan.

Bergaran, Pol-Pol-en

Aretxabaletan, Orlyn

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak