Bertsolari gazteen Osinalde sariketa jokatuko da datorren zapatuan, martxoaren 27an, Gabiriako Andre Mari elizan eta finalean izango dira nor baino nor gehiago, besteak beste, Ane Zuazubiskar eta Urko Arregi bertsolari debagoiendarrak.
Joan den egubakoitzean Legazpiko Latxartegi aretoan jokatu zen Aztiri sarian sailkatu zen Urko Arregi oñatiarra. Eta zapatuan, Zaldibian, jokatutako Osinberde saria Ane Zuazubiskar arrasatearrak irabazi zuen.
Bi horiekin batera Aroa Arrizubieta, Xabat Ilarregi, Unai Izagirre eta Ibai Amillategi izango dira Gabiriako Andre Mari elizako oholtzan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.