7/2016 Foru Araua baliogabetzen zuela-eta, EAEko Justizia Auzitegi Nagusiaren epaiaren kontra egin zuten Gipuzkoako Batzar Nagusiek eta Aldundiak, baina Auzitegi Gorenak ez zituen kasazio-errekurtsoak onartu. Halere, gaur Aldundiak jakinarazi duenez, A-15 eta N-1 errepideetako bidesariek indarrean jarraituko dute ibilgailu astunentzat, foru-rauari jarraiki.
Aintzane Oiarbide Bide Azpiegituretako diputatuak azaldu du Auzitegi Gorenaren eta EAEko Justizia Auzitegi Nagusiaren epaiak ez dutela "zalantzan jartzen" bidesarien ezarpena, ezta horien bidez Zuzentarauan jasotako kostuak "berreskuratu ahal izatea" ere: "Ez du ezer esaten aplikazioa eragin duten egoera juridiko indibidualizatuei buruz, eta ez du eskubiderik aitortzen". Bestetik, gehitu du kanonak ez dituela kamioi-gidariak "diskriminatzen": "Zeharkatzen duten eremuaren orografiaren ondorioz, kontserbazio-kostu handiagoa eskatzen du".