Laboral Kutxa taldeko Ainhize Barrainkua, Garazi Estebez eta Xubane Garai txirrindulariek debut gogorra izan dute UCI Women's Continental Tour mailan, Atarrabiako Jose Antonio Urdaniz Cachorna lasterketan. Izan ere, Xubane Garaik eta Ainhize Barrainkuak erorikoa izan zuten, lasterketako beste hainbat parte-hartzailek bezala. Estevez, aldiz, 23. postuan sailkatu zen 23 urteko azpikoen sailean.
Debuta "gogorra" izan dela adierazi du Garazi Estevez txirrindulariak: "Sei gradu, euria, erritmo gogorra, errepidea ez zen egokia… Hala ere, helmugara aurreneko tropelean iristea lortu nuen. Xubanek eta Ainhizek ez zuten egun ona izan, baina ez ziren eroriko larriak izan, eta hori pozteko albistea da", adierazi du Garazi Estevez txirrindulari aretxabaletarrak.
Hurrengo lasterketaren zain, hilaren 27an bilera eta kontzentrazioa izango dute Aretxabaletako txirrindulariek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.