Bailarako herrietan alojamendu mota ugari eta denen gustukoak aurki daitezke. Debagoieneko Mankomunitateko Turismo sailak helarazitako datuen arabera 2020ko udaran 720 bat ohe zeuden bailaran, turismora bideratuta. Azken datuen arabera baina, apur bat egin du behera kopuru horrek.
Egun, 550 ohe inguru Debagoienean
Kontuan izan behar da 100 lagun baino gehiagorendako lekua duen Arantzazu Santutegia hotela ez dagoela turismoarentzat zabalik, COVID-19a duten pertsonentzat edo konfinatuta egon behar dutenentzat zerbitzua eskaintzen du une honetan. Era berean, Arantzazuko aterpetxeak eta beste hainbat landetxek ez dute alojamendua eskaintzen gaur gaurkoz.