La Cartuja futbol-zelaiaren edukieraren %30a betetzeko proposamena egin du Andaluziako Juntak, eta hain zuzen ere, hori aztertuko dute bihar Espainiako Futbol Federazioak, Athleticek eta Realak.
Bingen Zupiria Jaurlaritzako bozeramailearen arabera, Juntak egindako proposamena ez da "arrazoizkoa": "Ez dirudi hau unerik egokiena denik jendea futbol-topaketa batera gonbidatzeko, herritarrei San Josen eta Aste Santuan zainketak zorroztea eskatzen ari garenean".
Dena den, proposamenari argi berdea emanez gero ere, sarrerak Sevillan bakarrik egongo lirateke salgai, eta EAEn bizi diren zaleak ezingo lirateke bertaratu, indarrean dauden neurriak direla-eta.
