Pieza polimetrikoak eta aleazio arinak ekoizteko moldeak fabrikatzeko ikastaro hau langabetuentzat zuzenduta dago batez ere, baina baita jardunean dauden profesionalentzat ere. Arrasaten emango da ikastaroa gazteleraz, 14:30etik 19:30era, eta martxoaren 23an hasi, eta azaroaren 19an bukatuko da. Guztira 15 leku egongo dira eta aurrez aurreko eskolak izango dira.
Ikastaroaren helburua honako gai hauetan trebatzea izango da: moldeen diseinua; moldeen fabrikazioa planifikatzea; moldeen osagaiak egitea, eta moldeen funtzionaltasuna eta osagaiak doitzea, muntatzea eta egiaztatzea. Praktika profesionalak badaude ikastaroan, eta horrela, parte-hartzaileak saio teorikoak, ariketak, eta praktikak egingo dituzte tailer eta laborategietan.
Ikastaroa Lanbidek eta Europako Gizarte Funtsak finantzatzen dute oso-osorik.
