Lehenengo zatian ez dira aukera larregi izan bi taldeen partetik. Bigarren zatia, aldiz, intentsoagoa izanda, eta zenbait aukera izan dituzte bi taldeek. Erdiraketa baten ostean, Sanchok buruz sartutako golari esker jarri da aurretik markagailuan etxeko taldea, eta, Mojategitik kanpo zeuden haur batzuei eskaini die gola beraiei seinalatuz –1-0 amaitu da partidua–.
Mondraren lehenengo garaipena
Denboraldiko lehenengo garaipena lortuta, Aitor Azkarate Mondrako jokalaria "pozik" agertu da partidua amaitzean: "Denboraldiko lehenengo hiru puntuak lortuta pozik egoteko moduan gaude. Lehenengo zatia dominatzen hasi gara, eta, bigarrenean, berriz, aukera gehiago izan ditugu bi taldeok. Gero, gure gola etorri da, Sanchok sartu duen gol ederra, eta hala amaitu da derbia. Hala ere, esan beharra dago, partiduaren amaieran Bergarak asko estutu duela…".
Partidu gogorrean, puntu barik etxera
Bergara taldeko Andoni Bretaña jokalariak, aldiz, partidu "gogorra" eta "parekatua" izan dela adierazi du: "Partidua nahiko gogorra izan da, baina, falta baten ostean, gola sartu digute, eta hor erabaki da partidua. Zaletuen babes barik ari gara jokatzen aurten, eta faltan botatzen zaie, batez ere etxean jokatzen ditugun partiduetan. Hala ere, guk gureari begiratu behar diogu, eta esaten den moduan, partiduz-partidu aurrera egin".