Beraien ikasketa profesionalak hidrogenoaren teknologiekin lotuta garatu gura duten gazteendako prestakuntza izango da. Alegia, lanbide-garapena zein enplegagarritasuna teknologia horien inguruko ezagutzari lotuta bultzatu nahi duten profesionalendako ikasketak.
Lau erakundeek martxan ipiniko duten ekimena, eremu horretan abiaraziko den lehena da, eta hidrogenoaren ekonomiaren garapenean "funtsezko eginkizuna" bete duela esan dute arduradunek.
Jarduera hauek Espainiako Hidrogenoaren Ibilbide Orriaren eta Hidrogenoaren Euskal Korridorearen helburuekin bat datoz. Azken honek, hidrogenoaren teknologiei buruzko ikasketak txertatzeko asmoa du egun unibertsitate-graduetako titulazioetan, eta erdi eta goi-mailako heziketa-zikloetan dauden hezkuntza-planetan. Ostean, eta emaitzen arabera, aztertuko dute, hidrogenoaren sektorearen ezagutza eta garapenari buruzko titulazio espezifikoak sortzea beharrezkoa ote den.