Garaia Parke Teknologikoak eta Mondragon Goi Eskola Politeknikoak online saioa egin dute, ikasle gazteak zientziara hurbiltzeko asmoarekin. Zehatzago esanda, emakume zientzialariengana hurbiltzeko.
Ikerlaneko ikerlari Irune Agirre; CAF Taldeko Risk Manager Miren Egaña; eta MUko ikerlari Arrate Alonsok zientzialariek euren ikasketen eta lan ibilbidearen gainean egin dute berba. Era berean azaldu zuten nola bizi duten emakume izatearena, zientzia munduan. Hirurek esan dute "emakumeak zientzian behar duen tokia hartzeko ibilbidea luzea" dela eta oraindik "lan handia" egin behar dela.
Argazki eta lelo lehiaketa
Online saioan parte hartu duten ikasleek, argazki bidez, etorkizuneko emakume zientzialariendako leloak proposatu dituzte. Boto gehien jaso dituen leloa Oñatiko Zuazola-Larraña ikastetxeko Batxilergoko bigarren mailako ikasle Madi Urzelairen lanak jaso du. Bere argazkiarekin, eta lehiaketan parte hartu duten besteekin, egutegi bat egingo du dute, paperean eta formatu digitalean, ekimena babesteko asmoz.
