2021ean herritarren partaidetza sustatzeko diru partidak onartu ditu Diputatuen Kontseiluan. "Ondo dakigu zein garrantzitsuak diren udalak, herritarrengandik gertuen dauden erakundeak direlako", esan du Mendozak. Udalek euren kudeatuko dituzte partaidetza sustatzeko jasoko duten diru zatia. Bestalde, elkarteei zuzendutako dirulaguntzen deialdia egun batzuk barru kaleratuko du Aldundiak.
2020an, 42 proiektu eta 26 ekimen
Mendozak egindako agerraldian iazko "esperientziari" buruzko datuak eman ditu. Udalek sustatutako eta partaidetza arloan kokatzen diren 42 proiektu babestu ziren. Besteak beste, Arrasateko partaidetzazko aurrekontua eta Eibarko Ipurua merkatu plazako eraikinaren erabilera adosteko prozesua. Bestalde, elkarteen kasuan, beste 26 ekimen lagundu zituen iaz Aldundiak. Adibidez, gehitu elkartearen hausnarketa prozesua eta NagusiVoz Kalean prozesua.
