Gipuzkoako Euskal Pilota Federazioak egoeraren azterketa egin ondoren erabaki du, berriz ere, lehiaketa bertan behera uztea. Hala azaldu dute: "Urtarrilaren 31ko jardunaldian jokatu den partiden portzentajea %28koa izan da. Era berean, zenbait klubek komentatu digute ez zaiela egokia iruditzen osasun egoera honetan jokatzen jarraitzea, ez dutela COVID-19ak eragindako aurkariaren ez agertze bati esker partidarik irabazi nahi edota zein zaila den etxeko partidak antolatzea. Horrez gainera, Gipuzkoako Txapelketaren amaiera data atzeratzeko abagunea izan dezakegula uste dugu, oso litekeena delako Euskadiko Euskal Pilota Federazioaren lehiaketa egutegia berregituratzea".
Behin behinean bertan behera geratu diren txapelketak
Trinketeko Eskuko Gipuzkoako Txapelketa eta Trinketeko Paleta Argentinarreko Gipuzkoako Txapelketa behin behinean geratu dira eta Ezker hormako Gipuzkoako Txapelketa, 4 ½koa barne, partzialki.
Urtarrilaren 31ko asteburuan jokatzea aurreikusten ziren partidak eta COVID-19a dela-eta bertan behera gelditu zirenak jokatu ahal izateko neurriak hartuko dituztela ere gaineratu dute.