Atzo, 12.051 froga diagnostiko egin zituzten EAEn eta haietatik, 855 positiboak izan ziren (% 7,1). Lurraldeen arabera, hauek dira erregistratutako kutsatu berrien kopuruak: 456 Bizkaian, 264 Gipuzkoan, 119 Araban eta beste erkidego edo toki batzuetako 16 kasu.
Nafarroan, bestetik, 2.829 PCR eta antigeno proba egin zituzten atzo, eta 185k eman dute positibo; %6,5, alegia.
Ospitaleen egoerari dagokionez, COVID-19aren ondorioz 74 pertsona ospitaleratu zituzten atzo EAEn, eta 157 pertsona ZIUn daude –atzo baino sei gehiago–. Hori horrela, apiriletik erregistratu den pertsona kopuru altuena zenbatu dute ZIUetan.
