Euskalmetek iragarri duenez, abisu horia zapatuko 21:00etatik domekako 9:00etara egongo da aktibo, haize-boladek 100km/h-ko abiadura gaindi dezaketelako haizeguneetan, eta baita haizeguneak ez diren tokietan ere.
Zapatuan, mendebal-osagaiko haize-boladek 100km/h-ko abiadura gaindi dezaketela eman du aditzera agentziak, bereziki kostaldean. Haizeguneak ez diren tokietan, aldiz, haize-boladak 60-80 km/h-ko abiadura har dezakete.
Domekan, bestetik, mendebal/ipar-mendebaldeko haizeak joko du, eta Gipuzkoako haizeguneetan 110km/h-ko haize-boladak erregistra daitezke. Haizeguneak ez direnetan, 80km/h-ko abiadura erregistratzea posible da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.