Kaleratutako oharrean ekintza horiek arbuiatu ditu EAJk. "Gure herrian erabat lekuz kanpo dago jokabide hori; izan ere gure herriak bakean bizi nahi du eta gaitzetsi egiten du horrela jokatzea", azaldu dute. Gaineratu dute, "bakarren batzuk setan itsututa jarraitu arren", Eusko Alderdi Jeltzalea ziur dagoela "aldi berri batean gaudela; nolanahi ere, oraindaino bezala, aldi honetan ere beharrezkoak izango ditugu euskal gizartearen gehiengoak dauzkan irmotasun eta pazientzia demokratikoak, bizikidetza nahasten duten jokaerak eta gertaerak behingoz desagerrarazteko".
Arrasateko alderdi jeltzaleak ere herriko batzokian agertu diren pintaketak salatu eta "egile intoleranteei dagozkiela" uste du, "gizarte demokratiko bati ez dagokion erradikalismo toxiko baten eramaileei, non errespetuak eta elkarrizketak gizartearen bizikidetzaren zutabe izan behar duten".