Joan den egubakoitzean amaitu zen Euskadiko Triatloi Federaziora hautagaitzak aurkezteko epea. Eta, Iban Perezen hautagaitza izan da aurkezten bakarra: "Uste dugu Gipuzkoako federaziorako baliagarriak izan daitezkeen gauza asko Euskadikoan ere aplika genitzakeela. Baina egon dadila jendea lasai, Euskadikoa kudeatzeko ardura izanda ere ez dugulako Gipuzkoakoa bigarren mailan utziko. Sinergiak batzen ahaleginduko gara, lan asko bateragarriak izan daitezke eta Gipuzkoakoan egin genuen moduan, komunikazioan hobetzea izango da zereginetako bat, bai triatletekin eta baita lasterketetako antolatzaile eta klubekin ere".
Hilabete gutxi barru hasiko dute, berez, aurtengo duatloi denboraldia –otsailaren 27an izango da lehenengo lasterketa, Mungian, eta guztira egutegian 22 lasterketa daude aurreikusita–, eta egubakoitzeko Goiena paperean aurreratuko du Iban Perezek zeintzuk diren 2021erako erronkak.