Oñatiko hiru baserritan eta Arrasateko batean egin dute Getariako Txakolina. Oñatin, Upaingoan prestatzen ari dira aurtengoa. Murgialdai baserrikoek izen bereko txakolina merkaturatuko dute eta Zañartu auzoko Belaskuan, etxearen izen berekoa. Azken bi baserrietako txakolingileek adierazi dute aurtengo uzta oro har "txarra" izan dela, maiatz inguruan izandako txingorrak "kaltetu" egin zuelako.
Arrasaten, Egihaundi baserrian Kataide txakolina ari dira prestatzen. Eta Bedoñako Artazubiaga baserrian Otxia txakolina egin ohi dute, baina bertatik azaldu dute aurten ez dutela txakolinik izango.