Orduan, ez oñatiarrek eta ez arrasatearrek ez zuten liga nahi moduan hasi, biek ala biek galdu egin zuten eta. Hala, asteburuan bueltatuko dira jokalariak kantxara, eta biek jokatuko dute etxean, gainera. Ford Mugarri Arrasatek Iturripen izango du hitzordua (zapatua, 16:00), Deustuko Unibertsitatearen kontra, eta Fagor Industrial Aloña Mendik Gasteizko Corazonistasen bisita izango du domekan (12:00).
Emakumezkoek ere bai
Emakumezkoen kategorian ere asteburuan itzuliko da eskubaloia –Euskadiko Federazioaren menpe dauden ligetan–, eta, hain zuzen ere, Oñatiko Construcciones Ugarte Aloña Mendi taldearendako ligako lehen partidua izango da. Egia Petritegiren kontra jokatuko dute, etxean, zapatu goizean (11:00).