Guztira, 31 zentro, fakultate eta unibertsitate-erakunde eta 54 proiektu izango dira deialdiaren onuradunak; tartean, Mondragon Goi Eskola Politeknikoaren dilatometroa.
Ekonomia Sustapeneko diputatu Jabier Larrañagak adierazi du susperraldi ekonomikoa lortzeko, ezinbestekoa dela familia eta enpresetan sortutako premiei "aurre egitea" eta epe laburrean "jarduerari eustea", baina batez ere lehiakortasuna jarri du jomugan: "Begirada altxatu behar dugu, eta gure eredu sozioekonomikoaren etorkizuneko oinarriak jarri behar ditugu; eta helburu kolektibo hori lortzeko, ezin zaio uko egin berrikuntzaren eta ikerketaren aldeko apustuari".
