Bergaran, esaterako, astelehenean egindako prentsa agerraldian iragarri zuten zapatuko manifestazioa: "Toledoko Itunaren gomendioek agerian utzi dute gezur handia dela gizarte-segurantza publikoa defendaezina dela, eta hor ikusten da sistema mantentzeaz bestelako helburuetarako erabili direla funtsak. Era berean, ofizial egiten da pentsioen igoera KPI errealarekin lotuta egongo dela, baina gomendio horiek desabantaila asko dakartzate berekin", adierazi zuten.
Arrasaten, adibidez, manifestaziora begira, hainbat eragileren atxikimendua batu dute pentsiodunek. Horien artean daude, besteak beste, ELA, LAB, ESK eta Steilas sindikatuak, AGAKO eta Arrasateko Mugimendu Feminista.