Debagoiena 2030 ekimenak zuzeneko online saio hau antolatu du. Debagoiendarrei egitasmoaren nondik norakoak azaltzea da saioaren helburua: zergatik sortu den egitasmoa, non, zein garapen izan duen orain arte, emango dituen hurrengo urratsak eta abar. Youtubeko kanalean ikus daiteke orain zuzenean.
Hori guztia, ekimeneko kide direnen eskutik. Aurkezpenean parte hartuko dute Elena Herrarte D2030eko koordinatzaile orokorrak, Onintza Legorburu Emun-eko eta D2030ko kideak, Igor Ortega Lankiko eta D2030 kideak, eta Iosu Lizarralde Saiolan eta D2030eko kideak.
Saioan zehar galderak bidaltzeko aukera ere egongo da. Horretarako komunikazioa@debagoiena2030.eus posta helbidera edota egitasmoaren Youtubeko zuzenekoaren txatean idatzi daiteke.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.