Azken asteotan hainbat hitzaldi eta solasaldi jasotzen dabil Goiena; batzuk, Goienagusik antolatutakoak eta beste batzuk AEDk, Ekinek eta Txatxilipurdik. Puri-purian dauden gai interesgarrien zein jakintza orokorreko kontuen gainekoak eskaini dizkiete herritarrei elkarte horiek, eta bertatik bertara ikusi eta entzuterik izan ez dutenek orain Goiena telebistan izango dute aukera.
Hona hemen estreinaldien egunak eta gaiak:
- Azaroak 14: Jesus Arregi (Astrofisikan doktorea): Zeru urdina, oskorria eta gauaren iluntasuna.
- Azaroak 21: Miren Basaras (Mikrobiologoa): Pandemien eragileak. Antolatzailea: Goienagusi
- Azaroak 28: Mikel Reparaz (kazetaria): Mundua Washingtonera begira. Antolatzailea: Goienagusi
- Abenduak 5: Eneritz Garro, Ander Etxeberria eta Kike Amonarriz: Arlo sozio-ekonomikoa eta hezkuntza. Antolatzailea: AED, Ekin eta Txatxilipurdi
- Abenduak 12: Alex Gurrutxaga (Literaturan doktorea): Xabier Lete. Antolatzailea: Goienagusi
- Abenduak 19: Imanol Ituiño (magoa): Magia parrastan. Antolatzailea: Goienagusi
- Abenduak 26: Igor Leturia, Olatz Artola, Maitane Jungitu eta Aiora Mujika: IKTak eta aisialdi birtuala. Antolatzailea: AED, Ekin eta Txatxilipurdi