Egungo egoeraren ondorioz aurreikusitakoa baino egun bat beranduago, baina gaur hasi da Bergarako Helduendako Nazioarteko Txotxongiloen Mostraren XV. aldia. Gaurko hiru ikuskizunen ostean, bihar beste bi eskainiko dituzte.
San Sartin plaza eta Seminarixoa hartu ditu gaur hasi eta bihar amaituko den XV. Bergarako Helduendako Nazioarteko Txotxongiloen Mostrak. Plazaren albo batean, esaterako, Gaztela eta Leongo Arawake konpainiaren Titiriscopio muntaia jarri dute denen gozagai, eta bihar ere halaxe egongo da 11:30etik aurrera. Markeliñe konpainiak, Psike izeneko ikuskizuna eskaini du iluntzean plazan bertan; eta Kulunka taldeak, bestalde, Seminarixoan aurkeztu du André eta Dorine, hitz bariko istorio hunkigarria.
Bihar, aurtengo mostra borobiltzeko, Titiriscopio-z gain Chapertons Comic Teatre taldearen Rodó ikuskizuna ere emango dute Seminarixoan 19:00etan hasita.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
