Euskaltzaleen Topaguneak Lekeitioko Euskal Zine Bilerarekin batera antolatzen duen euskarazko ikus-entzunezkoen rallyan izena emateko epea zabalik dago azaroaren 7ra arte.
Osasun egoeraren eraginez, 16. edizioa berezia izango da; lehiaketa guztia online egingo da, eta parte hartzaileek ez dute Lekeitiora gerturatu beharrik izango. Gauzak horrela, parte hartzaileek nahi duten tokian grabatu ahal izango dituzte bideoak azaroaren 13tik 15era. Aitor Arregi zine zuzendaria izango dute gidari parte hartzaileek, eta epailea izango da Izibene Oñederra zuzendariarekin batera.
Film labur onenak mila euroko saria irabaziko ditu. Horrez gain, Topagunearen DemaSA lehiaketarako eta Laburbira zirkuiturako sailkatuko da. Bigarren saria 600 eurokoa da. Publikoarena 100 eurokoa, eta asteburu bat Lekeition pasatzeko aukera ematen du.