Eguenean sartuko dira indarrean neurriok eta "gutxienez" hamabost eguneko epea izango dute. Hala azaldu du presidenteak, "neurri gogorrak" direla azpimarratuz, baina "osasun-egoera larria" dela aintzat hartuz.
Esan moduan, ezin izango da Nafarroan sartu edo handik irten, lanerako edo "arrazoitutako" mugimendua ez bada, eta konfinamendu perimetral horrez gain, tabernek eta ostatuek etxera eramateko janari-edariak soilik prestatu ahalko dituzte. Bestalde, ia establezimendu guztiak, denda txikiak nahiz saltoki handiak, 21:00etarako itxita egon beharko dira eguenetik aurrera –ezingo da kultur eta kirol jarduerarik egin ordu horretatik aurrera–.
Azkenik, garraio publikoko edukiera erdira murriztuko dute eta eremu pribatuan, familia edo bizikidetza unitate bereko kideak soilik elkartu ahalko dira, "bakarrik bizi diren edo laguntza behar duten pertsonen kasuan izan ezik".