Hilaren 20an Oñatitik, Udanako mendatetik sartuko dira ziklistak Debagoienera, eta Elgetatik birritan igaroko dira, lehenengoan Kanpanzartik igoko dira eta ondoren Asentziotik. Ibilbideko tarte horietarako, baina, antolatzaileek ez dute Arraterako besteko neurri zorrotzik hartu: "Mendate horren ezaugarri orografikoek baldintzatutako erabakia izan da, etapa amaiera izango da eta ezinezkoa da hor sortu daitezkeen jende pilaketen aurrean segurtasun neurriak bermatzea", adierazi du Jaurlaritzak. Gerta daitekeena da Arraten beharrean ziklismo gosez direnak beste mendateetan pilatzea.