Estazio meteorologikoetan jasotako datuen arabera euriak ez du arriskurik sortu ibaietan eta urtegietan. Gauerditik 9:00ak bitartean, Elorregin, 19,7 litro jaso dira metro koadroko; Aretxabaletako Urkulu urtegian, 29,2 litro metro koadroko; eta Elorrio eta Elgeta artean dagoen Aixolan, 31,1 litro metro koadroko. Tenperaturak ere behera egin du goizaldeko 02:00az gero.
Hoberako bidea
Arratsaldean aterrune luzeak espero direla aurreratu du Euskalmetek, batez ere barnealdean. Tenperaturari dagokionez, ez da aldaketa handirik espero, eta balio maximoak 12 eta 17 gradu artean izango dira.
Domekan ere euri kontuekin eta haizearekin jarraituko dela. Prezipitazioa, gehienbat, ipar partean espero da, baina orduek aurrera egin ahala, barnealdera ere iritsiko dela adierazi dute. Mendebaldeko haize zakarrak jarraitu arren indarra galduko du horrek. Tenperaturei dagokienez ez da izango gora behera handirik.
