Liburu kolektiboa da Izotzetan islatuak, Liberoamerika argitaletxeak euskaraz argitaratzen duen lehen bilduma, gainera. Barikuan egin zuten jendaurreko aurkezpena Iruñeko Katakrak gunean, eta tartean ziren egileetako hamar. Horien artean ziren Oihana Arana eskoriatzarra eta Aroa Elortza bergararra.
Liburua aurkezteko eta elkarrekin pasarte batzuk irakurtzeko ekitaldia izan zen. Euskal Herriko 24 idazle gazteren testuak elkartzen ditu Izotzetan islatuak liburuak. Deialdi irekia egin zuten eta 44 proposamen iritsi zitzaizkien. Horietatik 24 aukeratu zituzten bilduma osatzeko.
Liburua eskuragarri dago liburu dendetan.