Zortzi ideia desberdin luzatu dizkiete herritarrei. Lehena Bergarako geologia eta ondarea ezagutzeko bisita gidatua da. Zapatuan izango da, irailarak 26, goizeko 11:00etan. Bigarren proposamena, Arantzazuko Santutegiko bisita gidatuak dira eta ordutegi finkoak dituzte: euskarazkoak goizeko 10:30 eta arratsaldeko 15:30etan izango dira. Gaztelaniaz, aldiz, eguerdiko 12:30etan eta arratsaldeko 17:00etan.
Irailaren 27an, berriz, Murugain dragoiaren bidetik izeneko bisita gidatua prestatu dute. Goizeko 9:00etan hasiko da eta bide zirkular bat eginez, Murugainera helduko dira. Asteburu osoan zehar, ordea, Leintz-Gatzagako gatz museoa zabalik egongo da. Bisitak bi hizkuntzatan burutzen dituzte: 11:30etan euskaraz eta 13:00etan gaztelaniaz.
Arrikrutz - Oñatiko kobetara ere joatera animatzen dituzte herritarrak, Euskal Herriko paisaia karstikoaren erakusleiho paregabea baitira. Horrez gain, Elgeta 1936-1937: Intxortako ibilbide gidatua ere gomendatu dute. Bisita gidatu hau gaztelaniaz izango da domekan, hilak 27, goizeko 10:00etan.
Azkenik Dolmenen ibilbidea eta Arantzazuko Parketxea gomendatu dituzte. Biak igandean izango dira, irailaren 27an. Lehena gaztelaniaz izango da eta doakoa. Bigarrena aldiz, goizeko 11:00etan hasiko da eta arantzazuko altxorraren bila orientazio jolasean parte hartzeko aukera izango dute.
