AP1 autobidean konponketak lanak egingo dituzte aste bukaeran; hain zuzen, Bergaran izango dira lanak, Lesarri tunelean. Lan horien ondorioz, tunela itxita egongo da Gasteizerako noranzkoan egubakoitzeko 20:00etatik domekako 22:00ak arte. Trafikoa Behobiarako noranzkoan jarritako bypass-etik bideratuko dute.
N-1 errepidean ere lanak egingo dituzte
Gipuzkoako Foru Aldundiak N-I errepidea hobetzeko lanekin jarraituko du aste bukaeran. Ikaztegieta parean zorua birgaitzeko lanak egingo dituzte egubakoitzeko 21: 00etatik domekako 21: 30era arte. Denbora tarte horretan, N-I errepidea itxita egongo da, Irun-Gasteiz noranzkoan, ia 2 kilometroko tartean.
