Debagoienako Gurutze Gorriak eskolako materiala banatu die Lehen eta Bigarren Hezkuntza egingo duten eta zaurgarritasun egoeran dauden 135 familiatako 209 haurri. Banatu dituzten sortek motxila, estutxea –pinturak, boligrafoak, gomak...– eta koadernoak dituzte, bestak beste. Azaldu dutenez, sortak prestatzeko, haurren adina eta ikasturtea hartu dituzte kontuan.
Banaketa elkarlanean egin dute udalerrietako gizarte zerbitzuek eta Gurutze Gorriak, eta eskaerei dagokienez, Arrasaten 96 izan dira, Eskoriatzan 6, Aretxabaletan 25, Oñatin 39, Bergaran 34, Antzuolan 7 eta Elgetan 2.