Lehenengoa Josu Erkoreka (EAJ) izan da; Gobernantza Publiko eta Autogobernuko sailburua eta bozeramailea izan denak Lehendakariorde eta Segurtasuneko sailburu kargua hartu du. Bigarren Lehendakariordea, berriz, Idoia Mendia (PSE-EE) izango da, eta baita Lan eta Enpleguko sailburua ere.
Arantxa Tapiak (EAJ) Ekonomiaren Garapen eta Azpiegituretako sailburua izateari utzi eta gaur, Ekonomiaren Garapen, Jasangarritasun eta Ingurumeneko kargua hartu du. Bestetik, Olatz Garamendi (EAJ) izango da Gobernantza Publiko eta Autogobernuko sailburua eta Ekonomia eta Ogasuneko sailburua, beste behin, Pedro Azpiazu (EAJ).
Hezkuntzako Sailean aldaketak izan dira, izan ere, Cristina Uriarteren kargua Jokin Bildarratzek (EAJ) hartu du, eta, era berean, Osasun Sailean, Nekane Murgaren kargua, Gotzone Sagarduik (EAJ).
Bestetik, Lurralde Plangintza, Etxebizitza eta Garraio sailburua izango da Iñaki Arriola (PSE-EE), eta Bingen Zupiria (EAJ) izango da Kultura eta Hizkuntza Politikako sailburua eta baita bozeramailea ere.
Bukatzeko, Javier Urtadok (PSE-EE) hartuko du Sonia Perezen tokia Turismo, Merkataritza eta Kontsumo Sailean, eta Beatriz Artolazabalek (EAJ) gidatuko du Berdintasuna, Justizia eta Gizarte Politiken sail berria.
