Renove Industria 4.0 planak 100.000 eurorainoko dirulaguntzak emango ditu enpresa bakoitzeko, makineria berria edota ekipamendu aurreratua –hardwarea eta softwarea– erosteko, eta proiektuarekin lotutako aholkularitza gastuak ordaintzeko. Halere, laguntzak ezingo du gainditu aurrekontuaren erdia baino gehiago. Azaldu dutenez, eskaerak aurkezteko epea urriaren 22an bukatuko da.
Makinariaz gain, bestelako teknologia ere bai
Ohiko 4.0 makineria produktiboaz harago (tornuak, fresagailuak, artezteko makinak, e.a.), sentsorika, robotika, errealitate areagotuko betaurrekoak, sareko HW/SW ekipoak edo komunikazio-ekipoak, eta abar ere sartzen dira planean; baita Big Data eta analitika aurreratuko teknikak txertatuta dituen fabrikazio aurreratua; fabrikazio gehigarria; robotika aurreratua eta kolaboratiboa; Eliot (Industrial Internet of Things) proiektuak; edo ingurune industrialetara bideratutako Adimen Artifizialeko teknologiak ere.
Bestetik, sistema ziber-fisikoen proiektuentzat ere izango dira laguntzak: Errealitate Birtualeko proiektuak, Errealitate Areagotuaren arloko proiektuak, biki digitalen proiektuak…