EAJk –8 sailburu–eta PSE-EEk –3 sailburu– osatutako gobernuko kideak, jarraian:
- Josu Erkoreka (Bermeo, 1960). Segurtasuna eta Lehenengo Lehendakariordea: Zuzenbidean lizentziatua, eta Eusko Jaurlaritzaren X. legealdiko Gobernantza Publiko eta Autogobernuko sailburua, eta Gobernuaren bozeramailea. Euskaduna da. EAJ.
- Idoia Mendia (Bilbo, 1965). Lana eta Enplegua eta Bigarren Lehendakariordea: Zuzenbidean lizentziatua. Eusko Jaurlaritzaren IX. legealdian bozeramaile, eta 2014ko irailetik Euskal Sozialisten idazkari nagusia. Euskalduna da. PSE-EE.
- Olatz Garamendi (Ea, 1968). Gobernantza eta Autogobernua: Zuzenbidean lizentziatua. Administrazio eta Zerbitzuen sailburuordea, Hezkuntza, Hizkuntza Politika eta Kultura sailean, 2012ko abendutik gaur arte. Euskalduna da. EAJ.
- Arantxa Tapia (Donostia, 1963). Ekonomiaren Garapena, Jasangarritasuna eta Ingurumena: Industria-ingeniaria. Eusko Jaurlaritzaren X. eta XI. legealdietan Ekonomiaren Garapen eta Azpiegituretako sailburua. Euskalduna da. EAJ.
- Pedro Azpiazu. Ekonomia eta Ogasuna (Bilbo, 1957): Ekonomia eta Enpresa Zientzietan lizentziatua. Eusko Jaurlaritzaren XI. legealdiko Ogasun eta Ekonomiako sailburua. Euskalduna da. EAJ.
- Gotzone Sagardui. Osasuna (Bilbo, 1966): Medikuntzan lizentziatua. Eusko Legebiltzarreko legebiltzarkidea 2016tik eta Garapen Ekonomikoko eta Gobernu Oneko zinegotzia Bilboko Udalean. Euskalduna da. EAJ.
- Iñaki Arriola (Eibar, 1959). Lurralde Plangintza, Etxebizitza eta Garraioak: Zuzenbidean lizentziatua. Eusko Jaurlaritzaren XI. legealdiko Ingurumen, Lurralde Plangintza eta Etxebizitzako sailburua. Euskalduna da. PSE-EE.
- Jokin Bildarratz (Tolosa, 1963). Hezkuntza: Irakaskuntzan diplomatua. Tolosako alkate, EUDELeko presidente eta senatari autonomiko izandakoa. Euskalduna da. EAJ.
- Bingen Zupiria (Hernani, 1961). Kultura, Hizkuntza Politika eta Bozeramailea: Filosofia eta Letretan lizentziatua. ETBko eta Deiako zuzendari ohi, eta Eusko Jaurlaritzaren XI. legealdiko Kultura eta Hizkuntza Politikako sailburu. Euskalduna da. EAJ.
- Javier Hurtado (Madril, 1981). Turismoa, Merkataritza eta Kontsumoa: Zuzenbidean eta Zientzia Politikoetan lizentziatua. Arabako Foru Aldundiko Bide Azpiegitura eta Mugikortasuneko foru diputatua, 2019ko uztailetik gaur arte. Ez da euskalduna. PSE-EE.
- Beatriz Artolazabal (Gasteiz, 1970). Berdintasuna, Justizia eta Gizarte Politikak: Ekonomia eta Enpresa Zientziatan lizentziatua. Eusko Jaurlaritzaren XI. legealdiko Enpleguko eta Gizarte Politiketako sailburua. Ez da euskalduna. EAJ.