Aurtengo ediziorako dortsala dutenek hiru aukera izango dituzte izen-ematearekin zer egin erabakitzeko: inskripzioa 2021eko edo 2022rako gordetzea; izen-ematearen dirua bueltan jasotzea; edo izen-ematearen kopuru osoa edo zati bat dohaintzan ematea Fortuna Elkarteari.
Aurtengo parte-hartzaileek galdetegi bat jasoko dute posta elektronikoz, beraien aukeraketa egin dezaten. Hori egiteko epea irailaren 30ean bukatuko da. Galdetegiari erantzuna bidaltzen ez dutene 2021eko lasterketarako gordeko zaie dortsala. Era berean, izen-ematea ondorengo edizio baterako gordetzen dutenei, Behobia Birtualerako hamar euroko deskontua bidaliko zaie e-postaz.
Behobia birtuala
Izan ere, errepidean egin beharreko lasterketarekin batera, Behobia-Donostia modu birtualean egiten aukera ere badago, azaroaren 2tik 8ra Tarte horretan, lasterketaren 20 kilometroak egin beharko dituzte parte-hartzaileek. Norberak behar dituen saioak erabili ahal izango ditu 20 kilometroak egiteko. Lasterketaren erregistroa Runneak garatutako geolokalizazioan oinarritutako teknologia duen app-aren bidez egingo da.