Dena den, lurraldeko udalerri batzuetan egoera epidemiologikoak izan duen bilakaera ikusita, eremu bakoitzeko egoeraren jarraipen zehatza eta egunerokoa egiten ari da, azken zazpi egunetako kasu positiboen ratioak kontuan hartuta. Horren arabera, Lasarte-Oriako eta Donostiako hiru goitzetako egoiliarren irteerak eten egin dituzte, hamar egunetan. Era berean, Mutrikuko eta Azpeitiko egoitzetan eta eguneko zentroetan bisitak debekatuta daude.
Sei positibo
Egun sei egoiliar dira positibo emanda daudenak. Guztiak, Hermano Garate–San Ignacio zentroko egoiliarrak. Horietatik bi dira ospitaleko arreta behar duten pertsonak, eta beste laurak Eibarko Ospitaleko solairu soziosanitarioan daude.
Abuztuaren 11n lehen positiboak atzeman zirenetik, bi pertsona hil dira Gipuzkoako sareko egoitzetako egoiliarren artean.
