Donostiako Hermano Garate -San Ignacio egoitza- gunean hiru egoiliar dira Gipuzkoako zaharren egoitza sarean dauden COVID-19 kasuak. Azken positibo hau San Ignacio zentroan konfirmatu dute; dagoeneko modu prebentiboan bakartuta zegoen pertsona bat da. Hermano Garate -San Ignacio egoitza-gunean paseatzera irteteko aukerak mugatuta jarraitzen du eta bertan kokatutako eguneko zentroak itxita dirau.
Lurraldeko adinekoentzako egoitza sareak 65 zentro eta 5.425 plaza ditu. Gizarte Politiketako Departamentuak, Eusko Jaurlaritzako Osasun Sailarekin etengabeko harremanean, Zaintza eta Alerta Sistema aktibo mantentzen du Gipuzkoako gizarte zerbitzuetan eta baliabideetan COVID-19ari aurre egiteko eta, horrela, birusaren hedapena denbora errealean zaintzeko eta gizarte baliabideak eta zerbitzuak indartzeko.
