15,46 milioi euroko aurrekontua aurkeztu du Euskal Enplegu Zerbitzuak aldi baterako lan-erregulazioak osatzeko prestazioak laguntzeko. Lanbideren webgunean eskatu ahalko dira hilaren 28tik aurrera.
Uztailean, abuztuan edota irailean ABEEE egoeran dauden lagileek egin ahalko dute eskaera, baldin eta urtean 20.000 eurotik beherako kotizazio-oinarria izan badute. Jaurlaritzaren arabera, 25.000 pertsona inguru dira egoera horretan daudenak –eta hortaz laguntza jasotzeko baldintzak betetzen dituztenak–. Aurreratu dutenez, lanaldi erdia baino gehiago dutenek 150 euro jasoko dituzte hilabetero, eta gainerakoek, 100.
Eskaerak, telematikoki
Lanbideren webgunean egin beharko da eskaera. Horretarako, formulario bat bete beharko da, eta ez da beharrezkoa izango identifikazio elektronikoa sartzea.