Parte hartzeko baldintza batzuk bete beharko dira. Lau dira erabili beharreko sare sozialak; Instagram, Twitter, Facebook eta Mastodo. Argazkien kasuan, Bertatik Bertara kanpainako mahai-gainekoak edo kartelak agertzea baloratuko da derrigorrezkoa ez den arren eta esaldien kasuan, kanpainaren helburuarekin bat egiten duten leloak hartuko dira kontuan.
Hiru sari desberdin egongo dira. Lehena, bi lagunentzako gaua eta gosaria Mutrikuko Arbe Hotelean, hurrengoa bi lagunentzako bazkaria edo afaria Oiartzungo Usategieta jatetxean eta azkenik bertako elikagaiekin osatutako saskia Zarauzko Lekaru dendan. Saridunak zozketa bidez aukeratuko dira eta www.uema.eus webgunean eta UEMAren sare bideetan argitaratuko dituzte irailaren 23an.