Ignaziotar bidea oinez ezagutzeko hiru etapa antolatu ditu Debagoieneko Mankomunitateak

Debagoieneko Mankomunitateak Ignaziotar bidea oinez ezagutzeko hiru etapa antolatu ditu. Etapak uztailaren 31tik abuztuaren 2ra bitartean egingo dira eta aurrez, izena ematea komeni da.

Lehen etapa: Loiola-Zumarraga

Lehen etapa uztailaren 31n izango da. Loiolan egingo dute irteera eta Zumarragan amaituko da ibilaldia, ia 16 kilometro egin ostean. Irteera 09:00etan egingo dute.

Bigarren etapa: Zumarraga-Arantzazu

Bigarren etapa, abuztuaren 1ean egingo dute, Zumarragatik Arantzazura. Ibilbideak 20 kilometro izango ditu eta irteera 09:00etan egingo dute.

Hirugarren etapa: Arantzazu-Araia

Azken etapa, abuztuaren 2an izango da, Arantzazutik abiatu eta Araiara. Ibilbide honek 18 kilometro izango ditu eta irteera 09:00etan izango da.

Izen-ematea

Etapetan parte hartzeko, aurrez izena ematea komeni da. Horretarako, Debagoieneko Mankomunitateak hiru bide jarri ditu: 943 79 64 63, 943 15 18 78 edo 943 72 20 42 telefono zenbakietara deitzea; info@ignaziotarlurraldea.com helbidera mezu bat bidalita edota www.ignaziotarlurraldea.com atariaren bitartez. Etapa bakoitza gainera, 5 euro ordaindu beharko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.