Kirolariak Kurtzebarri mendira igoko dira oinez –norberak aukeratutako ibilbidetik–, parapentearen motxilak aldean hartuta. Behin tontorrera iritsitakoan aireratu egingo dira, eta antolatzaileek zehaztutako ibilbide bat bete beharko dute. Hori egindakoan, Urkulun lur hartuko dute eta kiroldegi aurrera itzuliko dira txapelketa bukatzeko.
Euskal Aire Kirol federazioak eta Debagoieneko Amillena parapente taldeak Euskal Herriko Oinez eta Hegan txapelketaren hirugarren edizioa antolatu dute. Aretxabaletan izango da eta izena emandako 22 kirolariak 11:30ean abiatuko dira kiroldegi aurreko zelaigunetik. Antolatzaileek jakinarazi dute zuzenean jarraitu ahal izango dela ibilbidea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak