"Presoak etxeratzea" eskatzeko ekimena da Sarek abiatutako Izan Bidea, eta domekan Bergaran eta Antzuolan egingo dituzte ibilaldiak horrekin bat eginez. "Izan bidea ezagutzera ematea eta presoak etxerako bidea egitearen aldeko kilometroak biltzea" da helburua, "mugimendua" irudikatu gura dute. Ekimen horretarako propio egindako aplikazioa ahalik eta partaide gehienei jaiste eskatu diete, esku-orrien eta laguntza-tutorialen bitartez.
Domekan, bi irteera egingo dituzte, luzea bata eta motza bestea:
- Luzea. Bi zutabe. 2.50- 3 orduko ibilbidea. 9:00etan irteera Antzuola eta Bergarako plazetatik.
1.1.- Bergara- Galartza, Besasti, Uzarraga gainetik Gorlara gero Ugarrixara bidezidorretatik jaisteko.
1.2.- Antzuola- Uzarraga gaina. Hemen bi zutabeak bat egin eta elkarrekin Gorlara gero Ugarrixara bidezidorretatik jaisteko. - Motza. Bi zutabe ere. 2 ordu inguruko ibilbidea. 10:00etan irteerak b i herriko plazetatik.
1.1.- Bergara- Uzarraga. Beteixotik bueltan Ugarrixara.
1.2.- Antzuola- Uzarraga. Beteixotik bueltan Ugarrixara. Besasti baserria ikusi daiteke nahi izan ezkero. Bi zutabeek Uzarragan egingo dute bat.
Gai historikoez eta ingurumenaz arituko dira
Bi ibilbideak Ugarrixan bat egingo dute eta han ekitaldi bat egingo dute 12:00etan. Ondoren, jolasak egingo dituzte.
Irteeretan gai historikoak landuko dituzte, adibidez: herrien arteko muga, Antzuola Bergara izan zenekoa eta Uzarraga. Gorlako eta Pol- Poleko urak Bergarara ekarri zirenekoak ere gogoratuko dituzte eta ingurumenaren inguruko aipamenak ere egingo dituzte, adibidez landaretza eta faunaren ingurukoak.
