Aurten, ekainaren 28ko ekimena ez da herri bakarrean egingo, gainerako urteetan egin den bezala. Koordinadorako kideek azaldu dutenez, Arrasaten, Bergaran eta Aretxabaletan egingo dituzte ekimenak: “Bizi dugun egoera berezi honetan, herriz herriko ekimenak martxan jartzea lehenetsi dugu”.
Aurreratu dutenez, Arrasaten, 19:00etan elkarretaratzea egingo dute Biteri plazan identitate (des)konfinatuak lelopean. Bergaran berriz, Harrotasuna taldeak Bergarako Udalarekin batera hainbat ekimen antolatuko dituela jakinarazi dute. Bukatzeko, Aretxabaletan, elkarretaratzea 19:00etan izango da.